Latin Bible of the Week

Long ago I set myself the task of reading the Vulgate, preferably directly from the manuscripts. I try to do a chapter a week, in part to keep Latin fresh when I'm not otherwise working in it, as well as just trying to get to know the book and style of Latin that influenced the medieval period so heavily. I'm not always consistent or successful in making the time to do a chapter a week, but today I did. I started a month or so back on the book of Sirach, aka Ecclesiasticus in part because I've not ever read all of it in English much less anything else, and I've a new appreciation for wisdom literature. So here is today's reading:

1 fili accedens seruituti Dei sta in iustitia et timore et praepara animam tuam ad temptationem
2 deprime cor tuum et sustine declina aurem et excipe uerba intellectus et ne festines in tempus obductionis
3 sustine sustentationes Dei coniungere Deo et sustine ut crescat in nouissimo uita tua
4 omne quod tibi adplicitum fuerit accipe et in dolore sustine et in humilitate tua habe patientiam
5 quoniam in igne probatur aurum et argentum homines uero receptibiles in camino humiliationis
6 crede Deo et recuperabit te et dirige uiam tuam et spera in illum serua timorem illius et in illo ueteresce
7 metuentes Deum sustinete misericordiam eius et non deflectatis ab illo ne cadatis
8 qui timetis Deum credite illi et non euacuabitur merces uestra
9 qui timetis Deum sperate in illum et in oblectatione ueniet uobis misericordia
10 qui timetis Deum diligite illum et inluminabuntur corda uestra
11 respicite filii nationes hominum et scitote quis sperauit in Dominum et confusus est
12 permansit in mandatis eius et derelictus est et quis inuocauit illum et despexit illum
13 quoniam pius et misericors Deus et remittit in tempore tribulationis peccata omnibus exquirentibus se in ueritate
14 uae duplici corde et labiis scelestis et manibus malefacientibus et peccatori terram ingredienti duabus uiis
15 uae dissolutis corde qui non credunt Deo ideo non protegentur ab eo
16 uae his qui perdiderunt sustinentiam qui dereliquerunt uias rectas et deuerterunt in uias prauas
17 et quid facietis cum inspicere coeperit Deus
18 qui timent Dominum non erunt incredibiles uerbo illius et qui diligunt illum conseruabunt uiam illius
19 qui timent Dominum inquirent quae beneplacita sunt illi et qui diligunt eum replebuntur lege ipsius
20 qui timent Dominum parabunt corda sua et in conspectu illius sanctificabunt animas suas
21 qui timent Dominum custodiunt mandata illius et patientiam habebunt usque ad inspectionem illius
22 dicentes si paenitentiam non egerimus incidemus in Dei manus et non in manus hominum
23 secundum enim magnitudinem illius sic et misericordia ipsius cum ipso